To’lovni qaytarish siyosati

Mahsulotlarni almashtirish va qaytarish siyosati

«Madlina Moda» internet-do‘konida xarid qilganingiz uchun minnatdorchilik bildiramiz! Biz har bir mijozimizga yuqori sifatli mahsulot taqdim etishga intilamiz.

1. Qonuniy asos va qaytarib olinmaydigan tovarlar

O‘zbekiston Respublikasi Vazirlar Mahkamasining 75-sonli qarori bilan tasdiqlangan «O‘zbekiston Respublikasida chakana savdo qoidalari» (1-ilova)ga muvofiq, quyidagi sifatli tovarlar qaytarib olinmaydi va puli qaytarilmaydi:

• Shaxsiy gigiena vositalari (parfyumeriya, kosmetika va h.k.);
• Tikuvchilik va trikotaj mahsulotlari (barcha turdagi kiyim-kechaklar, oqshom liboslari, ichki kiyimlar, paypoq mahsulotlari).

Shunga ko‘ra, agar xarid qilingan mahsulotda ishlab chiqarish nuqsoni (brak) bo‘lmasa, u qaytarib olinmaydi.

2. Qaysi hollarda qaytarish yoki almashtirish mumkin?

Biz mijozlarimiz manfaatini ko‘zlagan holda, faqat quyidagi istisno holatlarda xizmat ko‘rsatamiz:

A) Ishlab chiqarish nuqsoni (Brak) bo‘lganda

Agar siz qabul qilib olgan mahsulotda yaqqol ishlab chiqarish nuqsoni (yirtilgan, tikishda xatolik, noto‘g‘ri model yuborilgan) aniqlansa, biz:

• Mahsulotni xuddi shunday yangi (nuqsonsiz) mahsulotga almashtirib beramiz;
• Yoki to‘langan mablag‘ni to‘liq qaytarib beramiz.

Diqqat: Nuqson haqida mahsulotni kuryerdan qabul qilib olish vaqtida darhol xabar berishingiz shart.

B) O‘lchamni almashtirish (ixtiyoriy)

Agar libos o‘lchami sizga mos kelmasa, biz uni boshqa o‘lchamga almashtirib berishimiz mumkin (agar omborda mavjud bo‘lsa). Bunda quyidagi qat’iy talablar bajarilishi shart:

• Mahsulot foydalanilmagan (kiyish izlari, hid, dog‘ va yuvish belgilari umuman yo‘q);
• Barcha yorliqlar (birkalar) uzilmagan va o‘z o‘rnida turibdi;
• Mahsulotning qadoqlanishi buzilmagan.

Eslatma: O‘lcham almashtirish bilan bog‘liq kuryerlik xarajatlari xaridor tomonidan qoplanadi.

3. Mablag‘larni qaytarish tartibi (faqat nuqsonli tovarlar uchun)

Agar nuqsonli tovar tasdiqlansa va uni almashtirish imkoni bo‘lmasa, to‘lov summasi quyidagicha qaytariladi:

• Karta orqali to‘lovlar (Atmos, Uzcard, Humo, Visa, Mastercard): Mablag‘ to‘lov qilingan kartaga bank qoidalariga asosan (3-10 ish kuni ichida) qaytariladi.
• Naqd to‘lovlar: Kelishuvga asosan qaytariladi.

4. Murojaat uchun

Agar sizda mahsulot sifati bo‘yicha savollar bo‘lsa, darhol biz bilan bog‘laning:

📞 Telefon raqamlar:	+998 99 630 52 22 +998 99 501 01 91
✈️ Telegram:	@MadlinaModa
📍 Yuridik manzil:	Toshkent sh., Shayxontohur tumani, General Uzoqov ko‘chasi, 60-«A»-uy, 65-xonadon

Ushbu siyosat O‘zbekiston Respublikasining «Chakana savdo qoidalari»ga to‘liq mos keladi.